يارب لك الحمد كما ينبغي لجلال وجهك و عظيم سلطانك - اليوم 23-4-2014 والساعة الآن 06:45 م (جميع الأوقات بتوقيت جرينتش +2)
منتدى فتكات
 
 
لو بتدوري على صحبة و لمة و كلام من القلب و بسمة، و محتارة تروحي فين، هتلاقي فتكات موجودة فيها ايادى بالخير ممدودة: يلا تعالي مع احلى صحبة دنيا ودين!





يمنع منعا باتا التعليقات والادعية السياسية، وكذلك الصور والتوقيعات المتعلقة بالسياسة، نريد ان نعود اسرة واحدة كما كنا
رد   انشري في صفحتك على فيس بوك!   اضغطي هنا لاضافة الموضوع الى مفضلتك!
 
أدوات الموضوع التقييم: تقييم الموضوع: 170 تصويتات، المعدل 5.00.
ملف شامل عن الحلل السيراميك (أنواع ، صور ، أسعار ، أماكن بيع ، تجارب) 5 5.00 170
  #1  
21-4-2013 قديم 21/4/2013 04:34pm
الصورة الرمزية كاتى روز
سوبر فتكات
موظفة - مصرية
العضوة كاتى روز هي صاحبة الموضوع كاتى روز غير متواجدة حالياً
تاريخ التسجيل: 6/2010
المشاركات: 3,276
المواضيع: 112
مودي: فرحانة
ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة كاتى روز هي صاحبة المشاركة
700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />
700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />


700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />
فتوكااااااااااااااااااتى العزيزات طبعا اكيد كل الستات جاية جرى علشان حلل السيراميك اللى كلت دماغنا وشاغله تفكيرنا بالنسبة لشكلها وألوانها وسهولة نضافتها وأمان فى استخدامها عن التيفال
انا جات عليا فترة قولت هجيبها جنب الاستانلس بعد كده استغليتها وقولت مالهاش لازمة هكتفى بالستانلس للطبيخ وحلل الصاج علشان اللحوم والفراخ واى حاجة محتاجة غليان كتير بيستحملها الصاج اكتر لحد لما يوم الخميس اللى فات ماشيين فى امان الله انا وخطيبى ولقيت قدامى محل ادوات منزلية قولت ندخله ولقيت حلل السيراميك ولقيت شكلها جاااااااااااااااامد جدا وتقيلة وسعرها الى حد ما مناسب وبصراحة قولت خلاص حجيب منها ال 3 حلل اللى شوفتهم وكمان عجبوا خطيبى جدااااااا وانا ماينفعش تعجبه حاجة ومااجيبهاش قولت مابدهاش نحطها من ضمن الخطة الشرائية
كفاية رغى وندخل موضوعنا

انا بحب قبل لما اجيب حاجة استفسر عنها الأول ولما لقيت نفسى استفدت قولت افيدكم معايا اهو نطلع بكام دعوه حلوين باضحك

اولا : انا كنت فاكرة ان حلل السيراميك نوع واحد هروح للراجل اقوله عايزه حلل سيراميك اخدها وامشى نووووووووووووووووو دى طلعت انواااااااااااااااع

1- حلل اسمها (
بدرينى ) ودى إيطالى بس خلى بالك فى حاجه مهمه (الشركة إيطالى لكن الصناعة صينى ومكتوب على الحلل انها صينى)

وده شكلها

700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />


2- نوع اسمه (
نيوفلام ) وده كورى (وعلشان تعرفى انه كورى اصلى لازم يكون مكتوب عليه made in korea بحروف بارزه مش محفورة)

ده شكلها

700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />


700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />



3- نوع اسمه (
فالز ) وده تركى

وده شكله

700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />


700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />


فى أنواع تانية بس مالقتش ليها صور زى

1- نوع اسمه (
برستيج ) وده إيطالى

2- نوع اسمه (
إيديال هوم ) بس خلى بالك (انه تيفال لونه أبيض مش سيراميك وفى ناس ممكن تبيعه على انه سيراميك حبيت اقوله هنا للعلم)


نيجى بقى للأسعار

* الحلل بتبدأ من 180 جنيه يعنى ده للحله الصغيرة
(على فكرة مش لازم تمشى على الاسعار دى بالنص ممكن يبقى فى اختلاف بين مكان والتانى لو فى فرق طفيف مش مشكلة لكن لو فرق عالى اديكى عرفتى الرنج المتوسط كام)

مثلا الحلة النيوفلام مقاس ال 28 سم رنج 325 جنية ، حلة 24 سم رنج 275 جنية واحدة تانية اشترت الحلة مقاس 24 سم بـ 250

حلة بدرينى مقاس 26 سم رنج 335 جنيه ودى طبقه مطلية سيراميك ومش كلها سيراميك
(صاحبة الحلة اللى اشتريتها هى اللى قالت كده)


* الطاسة النيوفلام حجم 24 بـ 140 جنية ، 30 سم بـ 160 جنية

أماكن البيع اللى جمعتها من بنات اشترت الحلل دى بالفعل

1- انا شوفتها فى محل توليب اللى فى عمارات العبور واكيد هتبقى موجوده فى كل الافرع الخاصة بمحلات توليب (كانوا 3 حلل مقاس 20 ، 24 ، 28 وعملوا حوالى 900 جنيه الـ 3)

2- محل أولاد نصّار فى درب سعادة (العتبة)

3- ستار هاوس مدينة العبور هتلاقيه بعد المنطقة الصناعية

4- محلات رنين

5- فى الزقازيق هتلاقيه فى محل أت هوم (Home @)

6- فى طنطا هتلاقيه فى محل اسمه سفير (مكانه فين مش عارفة انا من القاهرة)

7- موجود فى أفرع كارفور

8- فى اسكندرية موجود فى سوبر ماركت فتح الله (بس بيبقى فى زيادة على السعر 15 : 20 جنية) مش عارفه موجود فى فتح الله القاهرة وللا لأ .

أى فتوكة اشترت طقم حلل سيراميك تقولنا هى اشترته منين سواء من القاهرة أو المحافظات علشان نفيد بعض



تجارب بقى البنات اللى اشترت حلل السيراميك وجربتها مش اشترتها بس

المشاركة الأصلية كتبت بواسطة شيمو كيمو مشاهدة المشاركة
ايوه ىا اختى جربتها وجميله جدا جدا خااااااااااااااااالص
المشاركة الأصلية كتبت بواسطة شيمو كيمو مشاهدة المشاركة
لا يااختى مش بيتغير وتقدرى تنضفيه سهل قوى انا جيباها اللون البينك
المشاركة الأصلية كتبت بواسطة snowwhite_22_8 مشاهدة المشاركة
انا اختي بتجهز وكانت عايزة تجيب بدريني الايطالي ولما نزلت وسألت البياع قالي نيوفلام الكوري احسن نوع سيراميك وفي كتير مجربينه وبيشكروا فيه اوووي
المشاركة الأصلية كتبت بواسطة shaw_shaw مشاهدة المشاركة
فالز مش حلو خااااااالص
المشاركة الأصلية كتبت بواسطة shaw_shaw مشاهدة المشاركة
بصى ابعدى عن السيراميك التركى تماما
انا لما مسكته من كتر ماهو خفيف حسيته صاج مش سيراميك اصلا
مفيش وجه مقارنة بينه و بين الايطالى و الفرنساوى
و فى الكورى بردو احلى من الترى بكتيييييير
المشاركة الأصلية كتبت بواسطة moro moro مشاهدة المشاركة
فى نوع كورى اسمه نيوفلام
اخته جايباه وبتشكر فيه جدا
احسن من التيفال وما بيلزقش خالص وبينضف بسهوله
جابته من مول الازهر والراجل مسكلها الحله رزعها فى الارض ومحصلهاش اى حاجه

المشاركة الأصلية كتبت بواسطة Verlorene Liebe مشاهدة المشاركة
اصل قالو الكورى سيراميك كامل مش صاج مطلى سيراميك زى التركى فالتركى بيتقشر


المشاركة الأصلية كتبت بواسطة Fairouz Shop مشاهدة المشاركة
فى فتوكة كانت كاتبة انها راحت تشرى حلل تركى سيراميك وصاحب المعرض قالها بطلنا نجيبها عشان بتقب وتقشر والزباين بتشتكى منها
بس انا شخصيا مجربتهاش
المشاركة الأصلية كتبت بواسطة bosy2626 مشاهدة المشاركة
انا اشتريتة برضوا و اهم حاجة انة الحلة تكون تقيلة
هو اتقل من الفالز على فكرة لان عندى الاتنين فأعتقد انه احسن
كمان ايديال هوم تيفال ابيض مش سيراميك

المشاركة الأصلية كتبت بواسطة [FONT=&quot
كراويشه;98673231]حلوين اييه دول تحفه .عندي الطاسه فالز مقاس 26 كانت ب 115 .وعند اختي الحبه مقاس 26 ب 225 رائعه .وتنظيفها سهل جدا
المشاركة الأصلية كتبت بواسطة [FONT=&quot
.توكليي علي الله


المشاركة الأصلية كتبت بواسطة remo rem مشاهدة المشاركة
دى تحفه والله وجربناها روعه
وجايبه منها طقم حلل6 قطع
واربع طاسات
فالز التركى بجد روووووعه
واشترينا منها فى البيت وجربنها قبل مانشترى لجهازى
بجد احلى من التيفال مليون مره ومبتقشرش ولا الكلام ده وصحيه كمان


المشاركة الأصلية كتبت بواسطة your eyes on me مشاهدة المشاركة
اسمها حلل نيوفلام صناعه كورى كلمه روعه قليله عليها انا جبت منها حله مقاس 20 كانت 200 والطاسه 110 وندمت انى مش جبتهم كامل بس هكملهم لانهم روعه وفعلا احلى من اى نوع حلل سيراميك وتقيله جدا وفعلا جربشت بمعالق استالس ولا اثر فيها


المشاركة الأصلية كتبت بواسطة sara hatem مشاهدة المشاركة
ميرسي ليكي جدا بجد طمنتوني اوي انا ان شاء الله هجيب منها وانا رأي انها سعرها كويس جدا بالنسبه لباقي انواع السيراميك يعني انا لقيت فرق من 50 ل 100 ج بينها وبين بدريني الايطالي والراجل قاللي ان نيوفلام احسن بكتير رغم انها ارخص ومكنتش مصدقاه

الخلاصة اللى طلعت بيها من التجارب دى

هقولكم الأول رأى البنات ايه بترتب الأفضل فى الحلل

1- بدرينى ( علشان إيطالى )

2- فالز ( علشان تركي )

3- نيوفلام ( الكورى )

انما بعد تلخيص آراء البنات اللى جربته بقى الترتيب كده

1- نيوفلام ( أتقل واستخدام احسن وغير قابل للكسر -خلى الراجل يجرب الموضوع ده قبل لما تشتريه علشان تاخديه وانتى مطمنه- )

2- بدرينى (مشكلته انه فى النهاية صينى)

3- فالز (خفيف جداااااااا عن نيوفلام واللى استخدموه ماعجبهمش وفى بنات قشر معاهم)

وان شاء الله انا استقريت انى اجيب النيوفلام

أولا وأخيرا الموضوع تجميع خبرات وآراء ناس جربن الحلل دى مش رأيى انا يعنى ممكن يكون على صواب أو على خطأ الموضوع لتقريب الأفكار والملاحظات فقط

اتمنى انى اكون قدرت افيدكن ماتنسونيش من دعواتكن والتقيييييييييييييييم لافادة البنات

التقييم: تقييم الموضوع: 170 تصويتات، المعدل 5.00.


انشري في صفحتك على فيس بوك! انشري في تويتر!

كاتى روز كاتى روز http://files.fatakat.com/customavatars/avatar282624_3.gif سوبر فتكات Fatakat القاهره - مصر


التعديل الأخير تم بواسطة : بنت غير كل البنات بتاريخ 1-2-2014 الساعة 03:59 م.
رد مع اقتباس
  #2  
21-4-2013 قديم 21/4/2013 04:39pm
الصورة الرمزية يارب فرج همي
فتكات غالية قوي
وسام الفائزة بالمركز الثالث بمسابقة رحلة الأناقة لبلد الموضه باريسوسام الفائزة بمسابقة الاذاعة المدرسيةوسام الفائزة بالمركز الثاني بمسابقة صنادلى فلات بس انيقة وبسيطةوسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
يارب فرج همي غير متواجدة حالياً
تاريخ التسجيل: 9/2010
المشاركات: 17,034
المواضيع: 537
مودي: مبسوطة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة يارب فرج همي هي صاحبة المشاركة
جميل جدا الموضوع ومفيد اصل هجبيهم الشهر الجاى ان شاء الله

3

]موضوعى اللى اتثبت اكتر موضوع بحبة
مراحل تطورات ابنى من يوم ما اتولد لحد الان بالصور
عايزة تنفخى شفايفك تتخنى اى منطقة فى جسمك جبتلك الحل
نزلت بطنى فى وقت قياسى ...تجربتى بالصور
ربنا يخليلى ولادى سيف وياسين وانس نور عيونى

اخر العنقود انس حبيب قلبى (سيف-ياسين-انس)
ربنا يحفظك ليا يا محمد يا رررب ويبعد عننا شر العين

صورة توقيع يارب فرج همي في منتديات فتكات

اذ مرت الايام فلم ترونى فهذة مشاركاتى فتذكرونى

واذا غبت فترة ولم ترونى أكون وقتها بحاجة للدعاء
رد مع اقتباس
  #3  
21-4-2013 قديم 21/4/2013 04:39pm
الصورة الرمزية فتاة المهمات الصعبة
اللهم بارك لى فى بناتى
وسام المشاركة المتميزة في  مسابقة انا وابنتى فى اشهى حلوياتىوسام النشاط و التميز في اقسام الطبخ وسام ألكسا لاستخدامها شريط ادوات ألكسا أثناء وجودها بالمنتدى
ربة منزل - مصرية
فتاة المهمات الصعبة متواجدة حالياً
تاريخ التسجيل: 11/2009
المشاركات: 28,745
المواضيع: 446
مودي: مية مية
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة فتاة المهمات الصعبة هي صاحبة المشاركة
موضوعك ممتاز
ربنا يتمم لك بخير وتجيبى كل اللى نفسك فيه

0

700){this.width=700}" border="0" alt="ملف شامل عن الحلل السيراميك (أنواع ، صور ، أسعار ، أماكن بيع ، تجارب)" />
ولا أسهل من *تارت* فتاة المهمات الصعبة وانسى تشتريه تانى
رد مع اقتباس
  #4  
21-4-2013 قديم 21/4/2013 04:39pm
الصورة الرمزية eng.memo
فتكات رائعة
خريجة - مصرية
eng.memo غير متواجدة حالياً
تاريخ التسجيل: 9/2012
المشاركات: 1,598
المواضيع: 42
مودي: سعيدة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة eng.memo هي صاحبة المشاركة
مشكوره يا قمر
وجزاكى الله خيرا

0

رد مع اقتباس
  #5  
21-4-2013 قديم 21/4/2013 04:41pm
الصورة الرمزية كاتى روز
سوبر فتكات
موظفة - مصرية
صاحبة الموضوع كاتى روز غير متواجدة حالياً
تاريخ التسجيل: 6/2010
المشاركات: 3,276
المواضيع: 112
مودي: فرحانة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة كاتى روز هي صاحبة المشاركة
المشاركة الأصلية كتبت بواسطة يارب فرج همي مشاهدة المشاركة
جميل جدا الموضوع ومفيد اصل هجبيهم الشهر الجاى ان شاء الله
يارب أكون قدرت افيدك بس فين التقييم ؟؟؟؟

0

رد مع اقتباس
  #6  
21-4-2013 قديم 21/4/2013 04:42pm
الصورة الرمزية كاتى روز
سوبر فتكات
موظفة - مصرية
صاحبة الموضوع كاتى روز غير متواجدة حالياً
تاريخ التسجيل: 6/2010
المشاركات: 3,276
المواضيع: 112
مودي: فرحانة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة كاتى روز هي صاحبة المشاركة
المشاركة الأصلية كتبت بواسطة فتاة المهمات الصعبة مشاهدة المشاركة
موضوعك ممتاز
ربنا يتمم لك بخير وتجيبى كل اللى نفسك فيه
اللهم آمين تسلمى حبيبتى على المرور

0

رد مع اقتباس
  #7  
21-4-2013 قديم 21/4/2013 04:42pm
الصورة الرمزية Life without regrets
فتكات هايلة
موظفة - مصرية
Life without regrets غير متواجدة حالياً
تاريخ التسجيل: 9/2011
المشاركات: 785
المواضيع: 19
مودي: متفائلة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة Life without regrets هي صاحبة المشاركة
تسلمي بجد


وفتحتلك التقيييييييييييييييييييم

0

صورة توقيع Life without regrets في منتديات فتكات

اللهم أجمع بيني وبين خطيبي عاجلاً غير آجلاً
اللهم أجعلنا من أزواج 2014
اللهم ألف بين قلوب أهلي
وأصلح حالي وحال خطيبي
اللهم أشف أمي وأهلي جميعهم
يارب
رد مع اقتباس
  #8  
21-4-2013 قديم 21/4/2013 04:44pm
الصورة الرمزية lolelove
فتكات ست الكل
خريجة - مصرية
lolelove غير متواجدة حالياً
تاريخ التسجيل: 7/2010
المشاركات: 6,729
المواضيع: 124
مودي: متفائلة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة lolelove هي صاحبة المشاركة
ممتاز و عالمفضلة عدل
بس ادعولى اقفش عريس
علشان اجيب الحلل
هههههههههههههههههههههههههههههههه

4



بقلمى
lolelove

شكر خاص للرقيقة
Saly M7md
على تصميم غلاف رائع للقصة.

صورة توقيع lolelove في منتديات فتكات

اللهم لا اله الا انت سبحانك انى كنت من الظالمين.
اللهم اضرب الظالمين بالظالمين
و اخرجنا منهم سالمين.
رد مع اقتباس
  #9  
21-4-2013 قديم 21/4/2013 04:44pm
الصورة الرمزية الفتوكه رانيا
سوبر فتكات
وسام المشاركة المتميزة في  مسابقة سياسة × سياسة - رمضان 2013 وسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
الفتوكه رانيا متواجدة حالياً
تاريخ التسجيل: 8/2010
المشاركات: 4,352
المواضيع: 149
مودي: متفائلة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة الفتوكه رانيا هي صاحبة المشاركة
موضوعك تحفه

بس ضيقتيني انا جبت الفالز وتركي

بس تقيل جدا مش خفيف لدرجه اني خايفه استخدمه بعد مايبقي فيه الاكل هيبقي اتقل

وجيباه بالف250

0

رد مع اقتباس
  #10  
21-4-2013 قديم 21/4/2013 04:45pm
الصورة الرمزية روكةحبيبة ماما
فتكات هايلة
وسام ألكسا لاستخدامها شريط ادوات ألكسا أثناء وجودها بالمنتدى
ربة منزل - مصرية
روكةحبيبة ماما غير متواجدة حالياً
تاريخ التسجيل: 3/2012
المشاركات: 1,099
المواضيع: 9
مودي: متفائلة
رد: ملف شامل عن الحلل السيراميك (أنواع ، صور ، أسعار ، أماكن بيع ، تجارب) - العضوة روكةحبيبة ماما هي صاحبة المشاركة
ممتاز تسلمى

0

صورة توقيع روكةحبيبة ماما في منتديات فتكات
[SIGPIC]

اللهم اهدينى الى ماتحب وترضى وبارك لى فى بنتى واهدى زوجى يارب العالمينيارب


اللهم ارزقنى الذرية الصالحة وبارك لنا فى رزقنا ياارحم الراحمبن وارزقنى حسن الخاتمةيارب

اللهم انى استودعك جنينى الذى فى رحمى فرده الى عند مولده مردا سالما معافى من كل ومن كل مرض وكل اذى فرده الى فى احسن حال من غير زيادة او نقصان واجعل له جمال سيدنا يوسف واخلاق سيدنا محمد صلى الله عليه وسلم فانه لا تضيع ودائعك ولا خاب ولا ندم من استودعكيارب
رد مع اقتباس
رد



تعليمات المشاركة
لا تستطيعين كتابة مواضيع
لا تستطيعين كتابة ردود
لا تستطيعين إرفاق ملفات
لا تستطيعين تعديل مشاركاتك

كود [IMG] متاحة
كود HTML معطلة

أقسام فتكات


اي مشاركة في الموقع و المنتدى تعبر عن رأي كاتبتها دون ادنى مسئولية على ادارة الموقع
جميع الحقوق محفوظة لمنتدى فتكات، يحظر نقل او نسخ اي اجزاء من الموقع الا بإذن الكتروني من ادارة الموقع
vBulletin، Copyright ©2000 - 2014، Jelsoft Enterprises Ltd.
إنشاء و تطوير انترنت بلس - استضافة المستضيفون العرب
مواضيع مميزة
مواضيع جديدة
استعلامات




ايوه هي دي فتكات اللي بيقولوا عليها :) انتي مش مشتركة ليه؟! بصي الفتوكات بيقولوا ايه: فرحانة سعيدة مبسوطة متأثرة محتارة مصرية فخورة مربية شابة هاه؟ ح تنورينا؟